Question 1

Hvussu kann eg vera við í spyr.fo kanningum?

Accepted Answer

Um tú vilt vera við í kanningum hjá Spyr.fo skal t tú bara melda teg til svarpanelið. Tað einasta sum krevst er, at tú býrt í Føroyum, ert eldri enn 18 ár og hevur eina snildfon við internetsambandi.
 
Tú kanst melda til her >(javascript:void(0))

Question 2

Hvat er endamálið við stuðlinum til Krabbameinsfelagið?

Accepted Answer

Spyr.fo hevur frá byrjan samstarvað við Krabbameinsfelagið við at lata 4 kr. í stuðli fyri hvønn luttakara í spurnarkanningunum. Samstundis sum hetta stuðlar týdningarmikla arbeiðinum hjá Krabbameinsfelagnum er tað við til at tryggja áhaldandi tilmelding til svarpanelið og eitt høgt svarprosent í spurnarkanningum.

Question 3

Eru svarini dulnevnd?

Accepted Answer

Ja, allar kanningar hjá Spyr.fo eru 100% dulnevndar. Tað merkir, at einki samband er millum upplýsingarnar um luttakaran og sjálvt svarið.
 
Innkomin svar verða brúkt í samantaldum hagfrøðiligum rapportum. Upplýsingar um luttakarar (postnummar og føðingardagur) verða ikki goymt, men bara tilhoyrandi aldursbólkar, geografisk øki og kyn.

Question 4

Noyðist eg at svara hvørja ferð?

Accepted Answer

Nei, tú ræður altíð fyri, um tú ynskir at luttaka í kanningunum, sum tú fært sendandi við sms-boðum. Um tað ikki liggur fyr ella tú ikki tímir at svara, er tað eingin trupulleiki og ávirkar ikki úrslitið av kanningini.

Question 5

Hvussu langa tíð havi eg at svara kanningunum?

Accepted Answer

Freistin at svara er 1 tími. Hetta er fyri at kunna avgreiða kanningar skjótt og lætt fyri tey, sum gera kanningarnar.
 
Um tú ikki nært at svara innan fyri svarfreistina er tað eingin trupulleiki, og ávirkar heldur ikki úrslitið av kanningini. Tað eru altíð nóg mikið av fólki, ið náa at svara.

Question 6

Hví riggar leinkjan til kanningina ikki?

Accepted Answer

Hevur tú eina OnePlus telefon, upplivir tú kanska, at leinkjan til kanningina ikki riggar.
 
Loysnin kann vera at brúka Google Messenger appina í staðin.

Question 7

Hvat geri eg, um eg flyti bústað?"

Accepted Answer

Um tú flytir bústað til aðra kommunu ella annað postnummar, verður tú biðin um at melda til av nýggjum við nýggja postnummarinum. Tú nýtist ikki at melda frá.
 
Melda til her >(javascript:void(0))

Question 8

Hvat geri eg, um eg fái nýtt telefonnummar?"

Accepted Answer

Um tú fært nýtt nummar og ynskir at halda fram við spyr.fo, mást tú melda til umaftur við nýggja nummarinum.
 
Melda til her >(javascript:void(0))

Question 9

Hví skal eg hava eina snildfon fyri at luttaka?

Accepted Answer

Orsøkin til, at tú mást hava eina snildfon við internetsambandi (4G ella Wifi) fyri at luttaka er, at kanningin verður svara á tínum internekaga á telefonini. Tú fært eini sms-boð við eini leinkju til kanningina, sum beinir teg víðari til internetkaga, har tú svarar kanningini.

Question 10

Er tað ókeypis at luttaka?

Accepted Answer

Ja, tað er púra ókeypis hjá tær at vera við í svarpanelinum og at svara kanningum. Hvørja ferð tú svarar, letur Spyr.fo 4 krónur til Krabbameinsfelagi, sum tøkk fyri tína luttøku.

Question 11

Hvat er eitt svarpanel?

Accepted Answer

Eitt svarpanel er ein bólkur av fólki, sum hava meldað seg til við at fylla út nakrar demografiskar upplýsingar og sum ynskja at luttaka í spurnarkanningum. Svarpanel verða ofta brúkt av fyritøkum, felagsskapum o.ø. til at gera skjótar, málrættaðar og umboðandi spurnarkanningar.